عَلِّى الشراع…
حسن أبو عرب
عَلِّى الشراع
الدنيا كَد وعَرَق
إياك فى يوم تلعب
تشبه لساحة سبق
محتاجه ناس تِتعَب
لو كنتى ملِكة سبَأ
ومَابِينَّا مِيت مأرِب
هُدهُد وجاب النبأ
ولا عُمرُه يوم يكدِب
رغم ان عُمرُه اتسَرَق
والعشق نار تلهِب
كل القلوب مِن ورق
وَانَا قلبى صار مركِب
هُو الملاذ م الغَرَق
وِان مُوجهَا يوم يقلِب
بحرَك يا موسى انفلَق
واليَم شئ مُرعب
كل اللِّى آَمِن عَتَق
عَلِّى الشِرَاع افرِد
التعليقات مغلقة.