عِشْقْ رَبَّاني شعر أبومازن عبد الكافي.

عِشْقْ رَبَّاني شعر أبومازن عبد الكافي.

………..

أنا المخنوق..
بحبل الحُب .. ربَّاني
أنا المأسُور بأوطاني
ومش قادر أطلع آهة من قلبي
عشان واقفة قصاد آهتي
200 عقدة على لساني !!!

أنا العاشق تراب أرضك
انا اللي عشت طول عمري
بحاول اصون هنا عرضك
وحبك في حنايا الروح
كأنه عبادة من فرضك

فَ ليه ياغالية ناكراني
في قلبِ الْجُبِّ رَمْيَاني
عليكي أهُونْ يا أمْ الكونْ
لكن يوجعني لو إنِّي
أشوفك يوم بتتهاني
أنا نفسي .. أشاكيكي !!
“وعزة نفسى منعاني”

أباتْ الليلْ ..
أناجي ربنا يصونِكْ
وِ دُقْت الْوَيلْ ..
وِقُلتْ يهُون فِدَا عِيُونِكْ
بمُوووووووتْ فيكي ..
وبعشق كل حَوَارِيكِي
وضي نهارك الرايقْ
وِنِجم يِضَوِّي لياليكِي

وِ حُبِّكْ ..
من صميم ديني
وِحُضنِكْ ..
مهما كان قاسي .. بدفيني
ومهما شربت فيكي المر
مُخلصْ لِكْ .. وبدعيلك
وبدعي ع اللي بيخونك

فَ عِشقِكْ ياحبيبتي ..
خلاص .. سبب غُلبِي
وثابتْ فيكِي على دربي
فهذا العشق .. سواني
وِعَلمْنِي .. وِرَباني
وهذا العشق .. أضناني
لفحني لهيبه .. وكواني
بجد يا مصر .. يا أمي
دا عشقي ليكي شيء تاني
لأنه .. عِشْقْ رَبَّاني
لأنه .. عِشْقْ رَبَّاني
……………….

Abo Mazen Abd