غرامك زيف
شعر جيهان النجار
غرامك زيف
وكاس العشق من ايدك ماسخ وخفيف
فخلينا بعيد أحسن
جايز المح ل حبك طيف
اخدنا يعني ايه من القرب غير الغربه و طعم الكرب والتزييف
ف كلام فارغ ويوجعنا وييجي الليل
بدمع وخوف وآه ونزيف
فخلينا بعيد أحسن
عشان جايز ف يوم الصدفه تجمعنا بقلب نضيف
حييت الحب من تانى أنا ف قلبك بنظرة شوق
وهمس عفيف
لكن كبرك شرخ كبري
وضاع الحب جوانا مابين الرغبة والتكتيف
فخلينا بعيد احسن
عشان البعد زى الموت
بنتذكر محاسن ذكري
جمعتنا بدون
تكليف٠
التعليقات مغلقة.