غرامي بقلم عبير عبد المنعم
عند حد اتحمل تفاهاتي
وتملي بيغفر زلاتي
وكفوفه بتمسح دمعاتي
بيطبطب بس بحنيه
على كتف الروح المحنية
وان قلت ياماما في غمضة عين
بترد بحاضر يا عينيه
عن حد بيشتاق ضحكاتي
عاشق لعيوني وحكاياتي..
لو تاهت مني أحلامي
الاقيها بترسم أيامي
وتمد خطاوي العمر براح
تشحتلي من الصدفة الفرحة
وتقصقص للحزن جناحه
عن غنوة انا نص حروفها بجد
لما بنتلم بغنيها
تضحك بشفايفي ابصلها
الاقيها مدا لي ايديها
بتقولي على الصعب ودوسي
تديني عفيتها ورجليها
وان ضاقت بيه الاحوال
ترسملي الحنية طريق
عن حد وريحته من الجنة
أنفاسه مواسم للعصافير
تلمح في براحه بتتهنى
وتلاقي جناحك وتطير
عند حد بجد كما الجامع
وإمام وصلاته حب في حب
تسمع تسبيحه تقوم تعلى
وتموت اوجاعك بلا طب
ضميني يا امي
يا عشق الروح
يا وتري بيعزف ع القلب..
التعليقات مغلقة.