غروب الشمس شعر غنائي
بقلم أشرف يوسف
گان وقت غروب الشمس
يا حبيبي گلام الهمس
دوبنى الشوق لعنيك
وخدتنى إيديك للمس
وبقيت أحلم بالفرحه
إللى انا ياما اتمنيتها
وانا شيفاك قاعد جنبي
بتقوللى ومش بتخبي
وانا حاسه بدقات قلبك
ياحبيبي فى دقات قلبي
واتاريني ببص عليك
وعنيا تلاغى عنيك
والدنيا مش سيعاني
أبدا من فرحتى بيك
ورجعت أفگر تاني
فى اللى انا عيشاه وياك
غمضت عنيا ثوانى
وببص لقيتني. معاك
گان حلم حلمته زمان
وياك ولقيته حقيقه
گل اللى انا فيه دى الوقتى
مش هبعد عنه دقيقه
يا هنايا. ياگل. منايا
يا حياتي يا رحلة عمرى
ليه بس الوقت معاك
بيفوت وساعاته بتجرى؟
مش عايزه الوقت يعدى
ويضيع الحلم الوردي
أنا عايزه ف ضل الفرحه
ناخد مع بعض وندي
يا قمر يا نجوم يا ليالي
أنا بنده يلا. تعالى
لسه هنستنى لإمتى
وانا ويا حبيبي الغالي؟
عايزين نسهر ونغني
ونحب وشوقنا ياخدنا
ونعيش أيامنا الحلوه
ولا شئ يقدر يبعدنا
وساعتها هتبقى. الدنيا
دنيتنا احنا لوحدينا
نتهنى معاها بشوقنا
ونعيش أجمل ليالينا
الإثنين بتاريخ ٢٠٢١/٨/٣٠م
بقلم الشاعر ؛ أشرف يوسف
من ديوانى غنوه وحدوته
التعليقات مغلقة.