“غصة” قصيدة عامية بقلم / وحيد علي الجمال
و أخيرا قلبي هيتحرر
راح يرجع ثاني و يتمرد
يعدل في تاريخه المتحرف
ويرجع عمره المتشرد
بين الاوجاع المقلوبه
لسه بيتحاكم على طيبته
وازي يترشح لبطولة
في القصة المكتوبه لغيرة
كان دورة يادوبك كام مشهد
اتعدى حدوده وكان مقنع
اتحارب من كل خصومة
واتعكست روحه الطيوبه
والماضي اتغير بفصوله
والظالم راجع بنفوذه
بيعاتب ضعف المظلوم
وأنا جوه حدودك متلخبط
انا ضددك فعلا متاكد
ولا انا مصدوم
محبوس انا لسه في قضبانك
بشطب وبغربل في سطورك
وسيناريو حكايتك وهروبك
بتعيد و تكرر في فصولك
وبترجع تاني لمرجوعك
انا شوفة المشهد كذا مرة
و اللقطة تملي بتتكرر
أسرارك كلنا حافظنها
ماهي جوه ديوانك منشورة
و الشرخ الواضح في الصورة
ماعرفتش أزود مكياجك
و لا أخبي و أداري في أوجاعك
و الدايرة بتوسع و بتكبر
و بترجع تاني و تتعقد
تجرح في الجرح اللي اتسلم
لدراما نهاية مشوارك
ماهو أصل المخرج مش ناوي
يكذب ويلحن في غناوي
من قلب قصايد مهجورة
نصها في بحورك مكسوره
صدقني تعبت من القصة
وطلع لي في حبك كده غصه
شجر الأحزان مش راح يطرح
من قلب كافورك مانجايه
لو حتى ساقيته من دمك
راح يكبر يستقوى بغيرك
مافضلشي من المشهد حاجة
غير إني أقولك بزيادة
أنا رافض اكمل في زمانك
لو حتى هيرجع من غيرك
التعليقات مغلقة.