غنائية …ناس و ناس …بقلم الشاعرة علا فياله

في حد بتستناه
وتعيش في الحلم معاه
ويغيب ولا يوم تنساه
وتموت إن غاب عن بابك
وفي حد يغيب لسنين
ولا يوم تشتاق له العين .
و إن دق القلب حنين
هاتقوله كفايه عذابك
الدنيا دي ناس ووشوش
ناس عايشه بقلب وحوش
وفي ناس مابيستهلوش
وفي ناس عاملين أحبابك
وتعدي إيام وشهور
مسافات وسنين وبحور
يا تقابل ناس من نور
يا تموت ف الكون أسبابك
دي الناس فترات وتفوت
والحب إن غاب بيموت
فياريت يا أبو ياقوت
تمسك ف الحب إن صابك