” فؤادة ” بقلم الشاعر رضا ابو شنب
انا من قديم الازل
وبحب في فؤادة
بكتب عشانها الزجل
وبحس بسعادة
واكتب قصايد غزل
واكتب عن السادة
قران كريم لم يزل
يذكرها في عبادة
جبريل بنفسه نزل
و لقاها متعادة
مصر الهرم والجبل
وتمللي سدادة
المر زي العسل
والقهوة لو سادة
انا دقت فيها البصل
وطالبت بزيادة
كل اللي سابها اعتزل
و الزفه كدابة
هزرع شواشي الامل
وارويها بقزازة
وابقالها زي الجمل
وابقالها سجادة
لا عمري اشوف البدل
ولا اسيبها محتاجة
ولا حتي اثير الجدل
واعمل لها وسادة
ولا يوم يصبني الكسل
لو كنت في عيادة
وان طال عليا الاجل
هفضل في تلاجة
وافديها مهما حصل
واختمها بشهادة
وان يوم يغيب البطل
فبلادي ولادة
انا من قديم الازل
وبحب في فؤادة
انا من قديم الازل
وبحب في فؤادة
التعليقات مغلقة.