فؤادة وعتريس
مايسة إمام
كان نفسي زمان
لماأبقى رئيس
أأكلكم جاتوه …
وباتون ساليه وسوسيس
وأَغَرَّقْكُمْ كافيار
وجمبري ودنيس
وأَكَفِّي الغلبان
وأعالج العيان ..
وأكون لكم ونيس
لكن …وآااااه من لكن
لقيت الديابا ……..
مترصصة… ترصيص
مستنية وقت الغفلة
في الدواء والغموس
سامحوني خَبِّيتْ عليكم
الخطر أصله……. خبيث
و اللي مقولتوش ….
عشان ميعرفوش
إني هارسم حدود
بينا وبين الجيران
ليكون بينهم خسيس
خفاش ساكن ظلام
مستني عيونا تنام
ويهاجم المتاريس….
يصبح جُوَّه الْعِشْ
ويبعثر لنا فــ القش
ويمص دم عيالنا….
لاااااا ……….
دا مصيره ..الهويس
واللي مقلتوش
سر و مأعلنتوش
إني أعمل لكم برنيس
ويعيني رب قادر
أَطْلِقْ في يوم قادر
وأهدد الجواسيس
وأَحَمَّرْ عيني ليهم
يطلع لهم ابليس
يِطَيَّرْ نوم عِينِهُمْ
والفكر يمطوح فيهم
نقعد سَوَا نتفرج
نِفْرَحْ فيهم وِنْهِيصْ
هَعْلِنْها ع الملأ
وبحق اللي خلق
مافي في أرضي شق
يكون أبدا رخيص
ما اللي يشيل الأمانة
يكون أد الأمانة
ويكون صحيح عتريس
محدش يقول جَوَازُه
من فؤاده باطل
ومش شرعي وتدليس
فؤاده زِينَة الوادي
ومهرها مش عادي
المهر مش فلوس
المهر عَرَقْ ودم
وعيال تشيل الهم
رجالة صحيح ….
…… مش سيس
صوتهم يفوق الرعد
ويرعب أي حد……..
عاقل أو مـ المهاويس
برنيس ضربة قوية
أمان ليكم و لِيَّ
لسه البقية جاية
لو مكتوب لي اعيش
مايسة إمام
التعليقات مغلقة.