فاكرة يا باتعة شعر أبومازن عبدالكافي شعر
فاكرة ياباتعة ..
فاكرة الطنبور
فاكرة المحرات
طب فاكرة النورج فاكرة الساقية وهي تدور
أرضنا كات خضرا كده علطول
دلوقتي خسارة وألف خسارة
الأرض الخضرا بقت عطشانة
شراقي يابت وكلها بوررح نعمل أيه في أيامنا الجاية
وولادنا ازاي هيعمروا دور
ثروتنا يابت كانت أراضينا
من خيرها الواحد عاش مستور
نزرعها ونروي بمية نيلنا
هبة المولى لمصر بلدنا
بقاله يا باتعة قرون و عصور
ييجوا دلوقتي يسدوا علينا
يحجزوا عنا و عن أهالينا
ويقولوا سد النهضة بانينا
ويرفضوا يبنوا معانا جسور !!!
فيها تفاهم فيها تعاون
ع المصلحة مطرح ما تدور !!!
لو سدكوا يوم هيعطشنا
ولا يخلي الأرض تبور
يبقى علينا وعلى أعادينا
هنخليلكوا السد كسور
واللي يقف قدامنا يغور اللي يقف في طريقنا
……………………………….. يغور
عبدالكافي فاروق بطل.
التعليقات مغلقة.