فايدة مافيش
جيهان النجار
عالم انفتاح واقتصاد واستيراد
ويااااا تصدير الدجل
لجل المرور نركب عجل
تلبس كمامة منقطة
الفيروسات متشغبطة
فوق على سطح الأمل
علشان تحج أركب جمل
بقت العبادة خالية تمااام من العمل
تطرح كسل تجمع فشل
دا الاقتصاد والانبساط
عالم بيتنفس عبط
وسماه بتمطر زبط
غرقنا طين
والقمر مكسوف لنا
ونهار حزين
قاعات الفرح فيه مغلقة
لم المياه بالمعلقة
النيل اجازة لبعد حين
اخبار كتير متفركة
بيلهو جيل
عن الصلاة والالتزام والحب والنور والسلام
زى اللى قال فايدة مافيش غير بالربا
كلمة حلال متعذبة
سلم امورك للدجل
قضيها واياااااا الدجالين
حاااضر نعم.
التعليقات مغلقة.