فرخـين ورق بقلم الفلاح الفصيح معوض حلمي منشأة بطاش تمي الأمديد .. دقهليه
كنا في زمان الطهر فكره
حضـــنها ملـيان عـــمار
نبضــها يداوي الجــراح
سايبين قلوبنا البكر
في الجورن البراح
قلبين صحابهم أوليا
فاتحــــــين مـــــزار
بيلموا قش الرز وعيدان الدره
وبيبــــــــــــــــــــنوا دار
قبل الحيطان .. قبل البيبان
ماتصد في خيوط النهار
وتســــــــد بالضـــــــبه
والخوف يعشش ع السكك
ويقيدنا نار .. ويشيب الشابه
كنا يادوب .. قلبين ف روح
ونسـمه تحضـن بعضـها
لو حد حس البرد فينا
بتروح عليه .. وتفرد جناحها
كـات روحـي روحـــها
وروحـــــــها روحــــــي
وكات تموت م الخوف
لو نبضها حس بجروحي
وكنــــت امـــــــــــوت
لو احس رعشة قلبها
واوهــــــــــبها روحــــي
وحبه .. حبه .. كبرنا حبه
والشوق بيكبر جوا منا ويستخبى
خايف عيون الناس تركز
وتشــوفه فـــي عيــنينا
وتفـــتح الموضـــــــوع
خايف خدودنا من الخجل تحمر
ويبـان عليــــــــنا
واحنا اللي عيشنا ف زمان الخوف
والخــــــوف خضــــــــوع
النظرة عيب .. والهمسه عيب
والحـب كـان ممــــــــنوع
وف ل اعـــــــــــداديــــــــه
تحـديدا وف تانيـه تانـي
الحب زوغ مننا بين المعاني
بين الحصص والفسحه
وقـــصـــــور الأمـــــاني
في تانــــيه تانــــــي
كانت بداية ل إعتراف ..
مـــــش بالكــــــــلام
همس العيون .. والإبتسام
حـرفـين علـى التخته
وبحــــــــور الهـــــــيام
وشـــعــــــور مــــــلاني
فــي تانــــــيـه تانـــــي
رساله حايره بين إيدينا
مــن كلــــمه واحـــده
مبعــتره حــــــروفــــها
مكتوبه وف غاية البراءة
فـي أخــــــر صـفـــحه
في كتاب 📖 القراءة
ب .. ح .. ب .. ك
بقراها مره .. واقراها تاني
والشــــــوق نادانـــــــي
في تانــــيه تانــــــــي
وف حصـــة التعـــــبير
عن جنه طارحه بالعبير
قالولنا نكتب مانشــاء
ولأني شـوفتك جنتي
وخــــــدتك ضـــــمـير
حسيت دواعي الإنتشاء
وبدأت أوصف كل شيئ يشبهك
جيبت القمر ..
لقيته واخد نوره منك
جيبت النجوم ..
قالتلي ياما حكاوي عنك
والبحر والنسمه اللي طايره
والسما والله حايره
ومحيراني
في تانــــيه تانــــي
كتبت ياما كل معنى
وكل حرف يبان نفيس
سال مدادي ع السطور
وخلصت الكراريس
ولسه وصـفك مانتهاش
وانادي طيفك يجي تاني
في تانــــــيه تانــــي
بتسأليني عن جوابك
وضعـــــــه إيــــــــــه ..؟
واقولك أنا قلمي اتسرق
تديني قلـمـك وتسيبـيه
وتسيبي فـرخــين ورق
عارفاني واهب شوقي ليكي
وإني هاكتب عن عينيكي
وارسمك إحساس وطاير
خــدنا لشطـوط الأمـاني
فــــــي تانــــــيه تانـــي
وإنتــــــــــــي .. وانـا
كنا في زمان الطهر فكره
حضنـها ملـيان عمـــــار
نبضـها يداوي الجـــراح
سايبين قلوبنا البكر
في الجورن البراح
قلبين صحابهم أوليا
فاتحـــــــين مــــــزار
بيلموا قش الرز وعيدان الدره
وبيبــــــــــــــــــــــــــنوا دار
بيلموا قش الرز وعيدان الدره
وبيبــــــــــــــــــــــــــنوا دار
ـــــــــــــــــــــــــــــــــــــــــــــــــــــــــــ
التعليقات مغلقة.