فشل الغرام بقلم سامح لطف الله
كلامي ليه بتأوِّلُهْ
عمَّال تعيد وتحللهْ
غرام وفاشل أولُه
ويبقى ليه بنكملُه؟
القلب أعمى بدون عنين
إحساسه عالي بالحروف
ويعلقه نظرة وحنين
طالعين من القلب الشغوف
فيكسَّروا السجن اللي عالي
ويحطموا سورك يا خوف
ويدادي شوق مين زعَّلُهْ
وغرام ومكتوف الإيدين
ويحن للقلب البعيد
ويلهلبه شوقه يزيد
ويفجروا فيه قنبلة
وبيهوى اللي بيتعبه
جوة القلوب بيقربه
ويلبي في جنون مطلبه
من غير م حتى يحسبه
ومنه يعشق بهدلة
والرز يعني يفلفِلُهْ
همايوني برضه استحمله
قفل مواجع أوِّله
وبلاش متاهات العتاب
ويا قلبي الأعمى انفتح
قدِّملي كشف معاه حساب
والشمس واضحة مصهللة
م تعيشي في الليل في العذاب
طيَّر عصافير الهوى
واقطع عروق لأ سيِّلُهْ
كلامي ليه بتأوِّلُهْ
عمَّال تعيد وتحللهْ
غرام وفاشل أولُه
ويبقى ليه بنكملُه؟
سامح لطف الله
التعليقات مغلقة.