“فضفضة” بقلم د. هبة صبحى البدوى
كان قلبى ناوى الفضفضة
سِمِع النسيم
قام رد على صوتى
…. بِـ ناي…… لحنه حزين
طِلِع كلامي فِ الفضا
سِمِع الندى
حدف عَلَيّا……. دمعتين
وبعدها لكم!
مش كده
فين الطيور الفرحانين؟
فين رقصة الشجر…
اللي نادى عَ القمر؟
رد بمطر
طَلَّعْ خضار
كان مستخبي
في الشراقي
إللِّي اِتْرَوِت
فِرِحِت
وقامت شقشقت
شمس النهار
إللِّي استخبت
في الغيوم
صَبَح البراح
مدهون
بألوان قوس قزح
ووراه
خيال…. مليان فرح
طبطب على قلبي
…. وِسِمِع الكلمتين
واتبخروا فوووووق فِ الخلا
وصدري من همه خلا
ولا تَعَبْنَا السامعين
التعليقات مغلقة.