فضفضة من واقع النفس
بـ قلم أسـمـاء الـبـيـطـار
كتير بقينا بنحس ببروده في الروح
و جفاف في المشاعر من ناحية كل حاجة و اي حاجة
كل حاجة بقت شبه بعضها و ما بقتش تاخد وقت
اللي عنده فرح الف مبروك
و اللي في حالة حزن ربنا يرحمه
و بتقرر تقف مع نفسك و تعرف الحالة اللي وصلت ليها دي
سببها ايه
لأنك كنت إنسان طبيعي جداً بتفرح من قلبك لأي حد .
بتجامل بقلب
بتتعامل بحب
ما بخلتش على حد بكل مشاعرك و حط تحت كل دي الف خط .
هلكت نفسك و جيت عليها علشان تراضي الجميع .
علشان تشوف قلبهم سعيد و مرتاح
عارفه إن دا طبعك الحلو اللي محدش قدره .
عارفه إن عشمك وقع من سابع سما
عارفه لمحة الحزن اللي في عينك
و الجرح اللي في قلبك
عارفه نبرة صوتك اللي مخنوقة بالعياط
عارفة إنك يوم ما احتجت حد ما لقتش إلا الهوا
شايفه نظرة بعض الناس و هي شماتنه فيك
عارفه و عارفه و عارفه
طيب عارف إني ما قدرش ألوم على حد !!
كل اللوم كان لنفسك ايوه لنفسك اللي بعترت مشاعرها و هانت عليك
اللي قاعد تلوم عليها انت عملت ايه وحش علشان تلاقي الجفا دا كله .
و لا حاجة غير إنك ما قدرتهاش
حملتها فوق طاقتها
ما صعبتش عليك من موقف أو اتنين و قررت تكمل عليها
و يا ريتك هتعرف ترجعها زي الأول .
التعليقات مغلقة.