فكرة التعود قلم جيجى حافظ
كثير منا بيسمع مشاكل بين الزوجين لعدم الاهتمام وعدم إظهار الحب للطرف الآخر وتوفير احتياجاته العاطفية …بنسمع كمان الرد عليهم بكلمة محتاجة تفسير وهى (هو انت لسه متعودتش عليها أو عليه )!! كلمة بجد بنفضل نسمعها ونستحملها لفترات طويلة وممكن لسنين وبنحاول (سواء رجل أو امراة)نتعود فعلا. ….بس للاسف الفكرة نفسها غلط. ….فكرة التعود اللى يخلينا نتعود على الوضع الغير مريح يخلينا نتعود على الوضع اللى هيسعدنا ويسعد غيرنا… انا مدركة جدا مقولة أن الطبع بيغلب التطبع. …لكن التعود له منظور آخر. .. بمعنى..فكرة التعود موجودة يبقى ليه نرفض نتعود على الحلو والمريح للطرف الآخر من البداية؟ _الموضوع بيصعب لما بنكبر …كل لما بنتقدم فى العمر بنحتاج اهتمام وحب اكتر…هذه ليست رومانسية (الموضوع تعدى العقلانية. … هو احتياج طبيعى بنستمد منه السعادة والقدرة على التغلب على اى موقف أو مشكلة أو حتى وعكة صحية)….
فالطبيعى نرفض التعود على الاسلوب المرفوض بقاله سنين. لاننا ببساطة نفسنا نحس بالاستقرار فى الكبر ،لما الدنيا تفضى واحدة واحدة من حولنا بانشغال اولادنا بحياتهم واستقلالهم بعيد عنا. ….هذا الوضع بيجعلنا نتمسك بالطرف الآخر (ونعرف أننا ملناش إلا بعضنا) وبنحتاج نكمل حياتنا فى هدوء عاطفى واستقرار نفسى وهذا يتطلب منا وضع الأسس من البداية وليس التعود على أسلوب يموت كل حاجة حلوة فينا. وعلى فكرة كلنا بنتساوى فى النهاية….الشخص الطبيعى بيطلب الاهتمام والشخص المتجاهل (اللى صعب يعبر عن مشاعره واهتمامه) برضو محتاج فى كبره الاهتمام والحب والرعاية وغيره .
تعالو نتفق مع بعض على مؤامرة خبيثة بس مقبولة شرعا ياريت كل واحد فينا يفكر فى غيره علشان يعرف يسعد نفسه..هى مؤامرة خبيثة بس لمصلحتك. ..أشبع الطرف الآخر (حب وحنان واهتمام)اكيد رد فعله هيبقى رائع تجاهك…..ازرع فى البداية حتى تحصد وقت احتياجك كلنا عارفين ان عملية الزرع بتحتاج مجهود كبير . ..بس الأكيد ان عملية الحصاد تستحق هذا المجهود. …اسعى لتحصل على أفضل زرعة…. حالك الوقتى ليس هو الحال النهائى….فلا تستسلم وتقف فى مكانك وتفتكر أن كده النهاية …..أو تحط نهاية وانت لسه فى نص الطريق
القصة مهما طالت لسه النهاية لم تكتب …
الحق أجمع ايام سعادتك قبل ما تطرق النهاية بابك
التعليقات مغلقة.