فكرة حلم …بقلم عبير عبدالمنعم
استنادا ع اللي عدا
امتثالا للي جاي
أنت فكره حب وارده؛
بس فكره بنت ضي
أنت ليل مليان مودة
قلب نور وملهوش زي
أنت نسمة حلوة جدا
نسمة محتالة وغرورة
تأسر الأحلام في عينها
والعيون حلوة وغيورة
استنادا ع اللي عدا
أنت حد كتير فاهمني
بس حد ملهوش حد
حد مسموح له يكون لي
ليل حكاوي وصوته ود
حد ياخد كل عمري
بس ياريت ااقدر أرد
خانة واحده من جماله
حتى لو كان حرفي ورد
التعليقات مغلقة.