فكرة موت بقلم شيماء عادل
أفكار جوايا بتعشق دمع عيوني ساعات
وساعات بتبات تعكس جوايا انين واهات
مش خايف من ايام جايه
ولا ساعة موت
ماهو عمري خلاص عدي ف ثانيه
سلامات يا سكوت
جبروت جواكوا يا خلق الله
ليه بنغلي ف عينكم بعد الموت
طب بعد ما اموت
اياكم تبكوا عليا في يوم
او مره تحسوا ان أنا مظلوم
ماهو مش هيفدني بكا أو نوح
ولا قلب عليا يبات مجروح
الكل ظلمني سنين وايام
ما أنا نفسي أشوفكم بعد غيابي هتعملوا ايه؟
هتقوله ياريت
وياريت ف الدنيا ما تعمر بيت
ودي آخر حاجه هقولهالكم
دي وصية قلب
معدوم م الرحمه ف ايامكم
مش عايزاكم علي تربتي يوم تيجوا تزوروا
او حتي ف يوم تبكوا عليا
ما هو كان أولي من زيارتكم
قلبي يشوف منكم حنيه
قبل ما اودع عمري واسيبكم
جبروت جواكوا اسموا اتحمل
واديني اتحملت
وتعبت وموت
مين هيكمل رحلة معلش
مين هينافق ويعيش بالغش
ممنوع تيجوا تطلبوا مني
اسامحكم يوم
ازاي اسامح وأنا خدت معايا في قبري هموم
طب اخر حاجه اطلبها وروحي ماهيش فيا
أتمني في قبري اكون مدفونة لوحديا
ما أنا طول عمري معاكوا وحيده والاسم معايا وحوليا
التعليقات مغلقة.