فوبيا
أمل البليسان
: صباح الخير دكتور
:صباح الفل والياسمين ع عيونك اتفضلي
:لا خليها صباح الفل بس
:ليه !!!
: احسن حد يسمعنا ويفهم خطأ
:هو انت عندك خوف من الناس وكلامهم
: ايوة دكتور احنا عايشين في مجتمع ليه الظاهر ويفسرو الظواهر حسب فهمهم
:بصي بقااا ..
الفوبيا فيها انواع ..فوبيا من المرتفعات ، من البحر وفوبيا من الظلمة او من الموت وده اقسى انواع الخوف لانك بتواجهي الموت العظيم وده تناوله الكاتب الفرنساوي جيتيه او نقول غواتيه زي مايسموه البعض اللي تناول الموت بشكل رائع في روايته بان البطل يحاول الانتحار وشرحه على.ان ده مش ضعف وهروب من الواقع وانما ده قمة الشجاعة عشان الموت حاجة كبيرة وعشان تواجهها عاوزلك كم من القوة والقدرة . اما في حالتك دي فهي كمان نوع من الفوبيا .. بس نوع مختلف وعاوزله كمان شجاعة عشان تتخلصي منه بانك تواجهي التيار وتكوني ضمن دايرة تفكيرك انت . ده طبعا لو كنت واثقه انك صح وانك مش بتعملي حاجه غلط لان عادة مش جميع البشر صح ولا بيفسرو صح
خوفك من الناس وكلامهم هيخلوك تنتهجي طريق اصلا انت رافضاه بداخلك وانت واثقة انك برضوخك ليهم ولمعتقداتهم بتتخلي عن حاجات انت بتحبيها بس عشان ترضيهم وده يبقى منتهى الاجحاف بحق نفسك ..
خلي الناس لعقولهم وانت يابنتي اعملي اللي يدلك فكرك عليه واوعي تستسلمي.
متاخديش بالمثل اللي يقول الباب اللي يجيلك منه الريح سده واستريح
لا.. واجهيه واعرفي تسيري الريح لمصلحتك
عشان تحسي بالسعادة في انك حققتي ذاتك مش ذات غيرك
….البيلسان ….
التعليقات مغلقة.