فى زحمه الأوقات … بقلم الشاعر / محمد الشناوى الشيوى
نفسى تسيبيلي
ضحكتك أوقات
أعدى بيها لامبارح،
احاكي بيها
حيطان الشوق
وابص للعرش
إللى كات عروقه
من طلتك بتغير
كان صابع التباشير
بيزوم على المنقد
فيستهدى
قول الدفا إستجمام
كان الحمام
بيلم من عنيكى الشوق
يهدل حنين
معرفش مين
شاور على عينى
فأراكى في البراويز
لميت عيونى من
سحاب خباص
فيه الودع
مسدقش
سبحه أبويا
بتقرأ الورد
في كفوفه
كان الأمل شوفه
تتقرب المسافات
ياهدئه الأوقات
لحظه سعاده
تفوت
والهم كالنبوت
منا بيتألم
ياما النسيم
ميل من الزمهرير
أوقات
فيصحى فينا
حاجات أوشكت
على الموت
إدينى لحظه صفا
يمكن ألاقينى
مالى الأمل عينى
ورموشى سقط
متاع
قالو الزمان خداع
وخداعه شوهنه
مين مننا باعنه
ومشينا فى خداعه
وأدينا مارجعنه
فى زحمه الأوقات
التعليقات مغلقة.