فى قلبَك محبه شعر حسن أبو عرب

مسافر لوحدك حمولك تلال
بتجهد فوارس تنخخ جمال
ورغم المشقه وطول المسافه
فى قلبك محبه فى روحك جمال
عزيمتك صلابه وقوه وتحدى
تفوق الجبال
لا خايف بيبنِى وفِعلُه كايدنِى
ليه يقطع وصال
حذارى الخيانه تضِيع الأمانه
ونركِن شمال
مآذن بتشكى وأقصى بيبكى
بلاش م الجدال
مدينتَك حزينه فى إيد غير أمينه
بغيضه ولعينه بتخنق فى شمسك
ودايسه العيال
دموعها تناشدَك تعاود لرشدك
قم ابنى الآمال
وكسر قيُودَك وجَمَّع حشُودَك
ولادها الأبيه ولاد الحلال
ماتِحنِّيش لراسَك وعَلِّى ف أساسك
قم اصنع محال
وضَمِّد جراحَك قم افرد جناحك
وهز الهلال
ياصبرك وجلَدَك دا قُدسَك وبلَدَك
بتطرح جسارَه وأطفال حجاره
تبيد الاحتلال
شهادتك سعادتك وروحك واهبهَا
ليوم النزال
وروحَك واهبهَا ليوم النزال…..