فى مثل هذا اليوم شعر جيهان النجار

” في مثل اليوم”
دماغي يفور
ونبض القلب
يتدغدغ
ويبقى كسور
ومارك يقول
سنة فاتت …..
ومش مسئول
بخط ايديك
وافكارك
وحوارتك
وذكرى لاعترافاتك
مانيش مسئول
عن الخاين
ولا الغدار
ولا اللي العمر تاه منه
ولا اللي الحب لف وراه و سبق سنه
وساب الليل غريب مجروح
ولا اللي قال
دا مش مسموح
ولا عن فرحة البدايات ولا القسوة وقطم الضهر فى النهايات
ولا ليا فى
اى حوار
ولا هافتش
عن الاسرار
انا بعلن عن
الذكرى
بقولك فاكر الفكرة
لكن النية مش ليا
ولا هيه عيونها
ازاز
تخلى عينيك
تكون شايفة
وتلمح صدق
للمعنى
واى مجاز
لازم
تقرا لغات العين
تكون استاذ….. تكون فهمان……تكون دارس
تكون حارس
مافيش نية لفاعل خير
ويبدأ قوله بكوارث
مافيش فارس بألف قناع
يخوض حربه
عشان نزوة
ووطنه مشاع
مافيش اجماع
على الكداب
ولا في حب
بيكمل
ولا بتهديد ولا….. بارهاب
ولا نصاب
ولا خداع
ولا المكسور
هيلزم عم مارك
بصاغ
صاحبنا ملوش
غير الايكات
ولا
يعرف يترجم
حب ولا يعرف
مدى العلاقات
دا واد فاتح سوبر ماركت
و عنده حاجات
ولا يهمه دا سوق جمعة
ولا سوق حد
ولا تلات
مارك ملوش غير الظاهر
ف لو طاهر هتنسب كلمتك لله
بتعمل ليه كده فيا
عشان يعنى ماليش ديه
ياعم الطيبات لله .