فين اروح … مرفت شتلة
وإن ضاقت بيا السبل على فين أروح؟
يمكن يصعب على نفسي الكتومة البوح
كلام تقيل على القلب لكن الصدر بيه مجروح
و من مين وهقول هو مين مقتلش فينا الروح
و مين فينا سالم وعايش و مش مدبوح
وابكي بدون الصوت وفين الصوت؟من الصراخ مبحوح
والف أدور على إيد أقول يمكن الاقي حد يرد فيا الروح
وكل مايلاقوا النفس رايح يزيدو الدبح علشان تطلع خلاص الروح
واقاوم ليه ماكنت زمان وانا في عزي بقول ياروح مابعدك روح
واقاوم لية ياروح رايحة لحد أحن من المخاليق
ياسيدي ادبح ولينا رب يجبر خاطر المجاريح
وإن ضاقت السبل بيا قولي على فين اروح.
التعليقات مغلقة.