في السادس من أگتوبر…شعر غنائي گلمات أشرف يوسف
گتبتها فى ذكرى عيد النصر
فى السادس من اكتوبر
والعاشر من رمضان
فى سنة تلاته و سبعين
خطينا ف وسط الصعب
واخترنا رئيس الشعب
من بين گل الملايين
ما احنا ولاده الرجاله
نمشى ف وسط الأياله
وإيدينا فى إيدين بعض
بنعدى ف قلب النار
لا نخاف من إستعمار
ولا موت ولا برق و رعد
جت ليله و ذاعوا بيان
قالوا فيه يلا يا جدعان
فيه بينا و بينهم تار
لا قلوبنا بتعرف خوف
و لا بته‍ددنا ظروف
و لا بنحب استهتار
گانت خطه و مفه‍ومه
بإيديك يا سادات مرسومه
أول ضربه جويه
صحت فى قلوبنا عزيمه
مش قابله أي ه‍زيمه
تحيا بلادنا العربية
أول ضربه جويه
گانت بإيدينا قويه
وسمانا بتبرق برق
وسلاحنا بقوة صوتوا
گانوا الأعداء بيموتوا
فى الدنيا غرب و شرق
ورجعنا بعزه يا مصر
جايبين بإيدينا النصر
مبروك للمصريين
فى السادس من أگتوبر
والعاشر من رمضان
فى سنة تلاته و سبعين
الأحد بتاريخ ٢٠٢١/١٠/١٠م
بقلم الشاعر ؛ أشرف يوسف
من ديوان ( وطني حبيبي )
التعليقات مغلقة.