في الشتا يحلى السهر
بقلم جمال زكي عينر
في الشتا يحلى السهر
ويا النجوم ويا القمر
راح الغى بسبور السفر
وافضل هنا ويا الحبيب
اصل الحبيب اجمل قدر
في الشتا يحلى الهوى
انا والحبيب دايما سوا
نحلم سوا .. نعشق سوا
نهرب لدنيا من خيال
مفيهاش لا علة ولا دوا
في الشتا يحلى الكلام
إن كان عتاب او كان ملام
وإن كان رضا .. آه يا سلام
ويا الحبيب كله يهون
ما دام مفيش بيننا خصام
برد الشتا ويا الحبيب
بيكون دفا بيكون طبيب
نفسي مع نفسه تطيب
بننسى ايام الأسى
ومفيش مكان بيننا لغريب
ليل الشتا دايما طويل
نسمة هواه تشفي العليل
واللي ينام بخته قليل
بينحرم من الهنا
من الغنا وياعين يا ليل
التعليقات مغلقة.