في حب مصر أيادي بتكتب ع الورق
عبد السلام عبد النبي
في حب مصر
ايادي بتكتب ع الورق
ايادي بتحفر في الصخور
بنكتب ع الورق
كلام جميل يحي الحياه
بنكتب والايادي بتصنع
قوارب للنجاه
وبنحفر بالايادي السمر
في وسط السطور
وبنعرق والعرق
خلي الزمن عجله تدور
بنعرق والعرق مليان حنين
خلي الصخور بتلين
ايوه الصخور بتلين
وتنطق بالحقيقه
الحقيقه اللي كتبها خوفو
من كام كام سنه
الحقيقه اللي رسمها احمس
للعروسه من هنا
الحقيقه انك يا مصر
يا عظيمه امنا
بنكتب ع الورق
علشان عيون الناس تشوف
انك يا بلدي ياما ضحيتي
لاجل ما يعيش الالوف
بنكتب ع الورق ونقول لهم
ليه من امنا دايما نغير
ليه نغير من ام ضحت
ولسه بتضحي كتير
س سؤال لازم جواب
من فضلكم عاوز اجابه
عجز القلم عن وصف مصر
عجز القلم عن الكتابه
اصل الكلام عن مصر
ما يوفيالحقوق
واللي ما يحب البلد
افضله يدخل في الشقوق
فاكره الكلام اللي قاله
في الغرب عنك
افكار قديمه علشان يموت
حبك لولدك
لكن ولادك معجونين
من صخر الهرم
ضحو لاجلك ودفعوا كتير
عرق ودم
وبالايادي السمر
دفنوا الكلام اللي قالوه عنك
اصل الدما جوا العروق
بتقول بانك
مصر العظيمة امنا ام الشعوب
وتعيشي مصر
كلمه بسيطه ع الورق
وكتبتها في حب مصر
التعليقات مغلقة.