في عيدك يا أمي …بقلم فتحي نجم
في عيدك ياأمي
باهديلك سلام
واكتبلك واغني
واديكي تمام
ياحوريـة م الجنه
تحت قدامك بـ عيش
عطرك ريحان وحنه
وغيرك ماليش
ياحمامه في بنيه
بتسقينا الحنيه
وعيونك دا هي
لولي ومرجان
وكلامك ياميش
دايما تدي ولا تخديش
تدعي تقولي ان شالله يعيش
ابني ضنايا ضي عيوني
من غيرك مابقدر أعيش
يسلملي حنانك ياأمي
ساعة العوزة بتشيلي همي
واسمع دعوة في صلاتك
وبُكَاكِي وانتي بتإني
واكمني بحبك بزيادة
حبك طاعة فرض عبادة
ولأني مهموم علشانك
بدعيلك وانا ع السجادة
ياما شيلتيني وانا صغير
كنتي تحني عليا تقولي
بكرة تشيلني لو يوم صابني
واوعي ياابني في يوم تتغير
لولادك بينهم تتحير
إرضي ضميرك يكتر خيرك
وتعيش دائماً بوش منور
وِدك كافي قلبك صافي
لبن حليب
حضنك دافي مرهم وافي
يشفـي جراحي
علي طول وتطيب
دا رضاكي من رضا ربنا
بدعيلك تعيشــي لينا
يا أمنا ياأمنا ياأمنا
بقلم/فتحى نجم
مارس 2022
اللهم اشفها شفاء لا يفادر سقما
التعليقات مغلقة.