ف الجرح خدامه …كلمات إبراهيم الحداد
حد عايز يتوجع
ويتهد له كيانه
حبيبى متخصص وجع
وفى الجرح خدامه .
م المر عنده بحور وبحور
م الدمع عينك ماتشوف نور
فى الجرح له علامات سوده
فى كسر القلوب أسم ومشهور.
……………………………..
قلبى اللى ياما أفتكره ملاك .
ويبكى ويقولى صعب أنساك .
دموع التماسيح كانت عينه
وجر قلبى لنار وهلاك .
قلبى اللى عاش مخدوع لسنين .
دلوقتى بينزف نار وأنين .
قلبى اللى عاش على نياته
أخرتها دمعه على الخدين .
……………………………….
حد عاوز يتوجع
ويتهد له كيانه
حبيبى متخصص وجع
وفى الجرح خدامه .
التعليقات مغلقة.