قالوا و قولنا بـ قلمي أسـمـاء الـبـيـطـار
قالوا الزمن دوااار
قولت
أنا على الأصول باقية
الدور و الباقي على
على اللي ما صان العشرة
و لا عمل حساب ليوم
كلنا فيه لقمة
قالوا
إمشي جنب حيطان الدُنيا
قولت
و ليه ما سكة ربنا واسعة
قالوا
إعملي و إرمي ف البحر
قولت
البحر بأحوال
ونا مش قد غدره
أنا أعمل اللي أقدر عليه
و تقدر كتافي على حمله
و رده
قالوا
طبعك غريب
قولت
و مين فينا طبعه
مش عجبه
قالوا
قوية
قولت عارفة
و طول ما كلمة الحق
على لساني بزداد
قوة
و بحمد ربنا إنكم ما قولتوا
يوم عليا ” مستقوية ”
قالوا و قولنا
و إياك يوم تخاف
تقول
طول ما إنت ماشي
بنيتك صاااافية .
/ مُجرد خاطرة /
التعليقات مغلقة.