قانون سك سونيا…
أحمد زيدان البلياتشو
قانون سك سونيا ،
حب المال و الاعمال ،
و حب الحب الضايع فينا
ليه فسكونيا !
ارمي حموولك ….
هندم نفسك … سرح يأسك
غير مود لون فلسفتك
ارسم مثلا … غني أماني …
داري ف فشلك
قول للناس انك فنان
كله جنان …. كان انسان ….
كان يا مكان …
أحيييه يا زمان ….
خيار فأوس … بواقي فلوس
شبييك لووبيك
محتاج ل فانوس
عَرق اليوم عصير مجنون
نبش و هبش وموت مضمون
فيتامين سي لقاح ملعون
روق اشرب عصير ليمون
ريح روحك … إرضي و عيش
طموح مدبوح و ريش بقشيش
ارحم ألمك … و عيش الياس
بكل طموح
خليك باح بوح
جود باي هالوووو
سقعان بمايوووو
شكرا ميرسي ، ممنوع تشكي
بياع ف رصيف … فركش امشي
عامل حرفي … كل المحكي
جربت في يوم احساس متهان
….. شقيان و جعان
خاتم سليمان
عرض الهيبر قوت الغلبان
عالم تالت … و عيار فالت
اصاب الكل ، بكل عنايه
و كلنا مرضي ،
في عنبر خمسه
ف عز وجعنا … الحرف اتكلم
غني و لحن موت مزيكا
أحمدزيدانالبلياتشو
التعليقات مغلقة.