قبل ما يفكوا الحصار…بقلم شيماء عادل
هروب مفاجئ وقت لم القلب من فترة حصار
صراع يحاوط لهفة الشر ف عنيه
مستني يقرأ الترجمة مادد ايديه
شايفك غصون علي آخر الوجع اللي راح
بيضم لون التهته علي صبر متلون خريف
أنا م الساعه دي بعشق الوجع اللي عدي ف صمت أيامي العجاف
لحظة ما شب الليل علي حلمي اللي خاف
والكل خايف يعترف ان اللي خان شمس الغروب
وقت أما سابت ضلها ف عين الحسود
كاره عصافير السما تفرد جناحها ع العمار
ترسمني نص جناح اخد قراري لجل ابوح للسما
عن صمت وأكل نص عمري ف تهته
أرفض أبلغ حتي لو عدت سنين
أكتبني صوت مهزوز ف عزالقرار
أعيشني حالة م الجنون وقت الخصام
أرفض افاوضني بحماس
أضم وجعي وأنشره ساعة هدوء
وقت أما بسرح جوه مني واستخبي
يفرشني ضي بخوف من قلب السكوت
يهديني لهفة صبر من قلب الرضا
أتغطي بيها قبل ما يتوه النهار
والقاني نفس القلب لكن قبل ما يفكوا الحصار
التعليقات مغلقة.