قدر مكتوب شعر : وحيد علي الجمال
انا وانت مابينا شيء
ماهوش مفهوم
مالوش تفسير كدا واضح
ولا معلوم
ماهوش مكتوب
لا في الماضي ولا الحاضر
ولا ف كل الكتب موجود
حروفه صوت بتسمعها
كأنه جوه شريانك كدا منحوت
ونبضه يهز أنفاسك
ويتسرسب على صمتك وجع مخنوق
تقوم موهوم
كأن رساله جيالك وبالشقلوب
كأن بحبلنا السُري على بعضه
صبح مجدول
اذا مس الهوى خدك
ابات الليل عليك مشغول
انا قلبي فدا قلبك
انا قلبي عليك مجبول
قدر مكتوب
ومش قادر
برغم سنين فاتت بينا
تروح وتدوب
شاغل مشغول على بالي
مالوش عنوان سوى أنك
شبيه الروح
بشوفك جوه احلامي
نعيمك شيء ماهوش موصوف
رباط مربوط على ذاتي
ومسحوره تفاصيلي على المكشوف
وسيرتك سارقه أشواقي
كما المجذوب بتصرخ جوه احشائي
انا قلبي وتر مشدود
تقوم الدنيا ولا تقعد
إذا طيفك لمس روحي
أقوم مخضوض
التعليقات مغلقة.