قرار بقلم اشرف الشناوى شاعر عاميه البرامون
قررت أراجع
حساباتى
واشيلك من كل
حياتى
واعيش الباقى
انا من عمرى
على كيفى
ولحد وفاتى
وهاشيل اوجاعك
من قلبى
وابدر افراحى
فى اوقاتى
واضحك واعيش
تانى الدنيا
لو فاضل فى العمر
ثوانى
وهاحبك ليه
وانا مش طايلك
واسهر بالليل
كله احايلك
وياخدنى الشوق
وأجرى اجيلك
واستنى اشوف
حتى خيالك
وارجع بين نارى
واشواقى
وظنونى بتاكل
فى الباقى
واجمع فى ملامحك
وارسمها
تضحكلى ساعات
وباكلمها
واشكيلها الحب
واوجاعه
الاقيها فى لحظه
تضيع منى
ارجع من غير
ماطمنى
افرش من تانى
فى احزانى
واحلف مش هارجع
والقانى
بارسم فى ملامحك
من تانى
ويدق القلب
عشان شافك
ماهو دايب برضه
فى اوصافك
وبيحفظ فى الليل
تقاطيعك
وازاى هايفرط
ويبيعك
قررت أراجع
حساباتى
يمكن غلطان
والقى حياتى
بين دمعى وجرحى
واهاتى
قررت اراجع
حساباتى ………………..
التعليقات مغلقة.