قريب الباشا ” ١٧ ” بيزنس بقلم : محمد كسبه
ممدوح باشا يخرج بسيارته من الفيلا صباحا يجد ، أحد أهالي القرية و معه مجموعة من الناس في انتظاره .
- يا ممدوح بيه …. يا ممدوح باشه .
- أيوة يا حج … حضرتك عايز مني حاجة .
- هو أني لوحدي إللي عايز ، كلنا عايزينك يا كبير .
- عايزني أنا !!! ليه ؟ … فيه أيه ؟
ممدوح باشا ينزل من السيارة و يقف وسط الأهالي .
- خير يا باشا …. يا أمير يا ابن الأومرا ، بصراحة كدة الواد اسمعين قالنا على موضوع الأرباح ال ٢٠ ٪ .
- آه صح صح هو قاللكو … الله يخرب بيتك يا اسمعين ، عملت لي فضيحة !!!
-فضيحة ليه يا باشا !!! إحنا عايزني نشاركك في مشاريعك ، إحنا عايزين نديك الفلوس و إنت تشغلهنالنا و ناخد على طول الأرباح ال ٢٠ ٪ ، ده إنت أحسن من البنك ، ده إنت بنك متنقل يا غالي .
-تمام تمام بقى ممدوح هو إللي قال لكو ع الموضوع ده ، مع إني منبه عليه ميقولش لحد . لكن طالما إنتوا عايزين تشغلوا فلوسكم عندي ، أعمل إيه لازم أوافق ، عشان إنتو ناسي و أهل بلدي الطيبين .
- أحد الأهلي : لا مؤاخذة يا ممدوح باشا في شرط صغير كده يعني ، عشان إنت عارف إن الفلوس دي تعبنا و شقا عمرنا و بين البايع و الشاري يفتح الله ، صح يا رجالة ،
الأهالي : أيوة صح كلام مظبوط بين البايع و الشاري يفتح الله .
- طاب أحب أسمع الشرط .
- حضرتك بس يعني هو كل واحد هيحط عندك مبلغ ، هيعوز منك ورقة صغيرة .
- ههههه و ماله ورقة صغيرة ، دنا أجيب له كراسة لا دستة كراريس .
- كراريس إيه يا باشا ، إحنا عايزين منك ورقة صغيرة عليها إمضة سيادتك ، بالمفتشر كده وصل أمانة يعني .
- وصل أمانة لية ؟ هو مفيش ثقة ما بينا ولا إيه ؟
- يعني عشان كل واحد يضمن حقه ، محدش ضامن الموت من الحياة .
- و أنا كمان عندي شرط ، عشان الكلام يبقى على نور .
- إتفضل يا باشا .
- أول حاجة مفيش أرباح دلوقتي ، الأرباح و الفلوس بعد سنة و إللي عايز يكمل معايه أنا تحت أمره ، و إللي مش عايز هو حر .
- تمام ، كلام بشوات بصحيح .
- فيه شرط تاني
- إيه يا ممدوح باشا ، إحنا هندور نشرط على بعض .
- آه هنشرط على بعض ، ده شغل و فلوس في السوق و تجارة دايرة .
- إيه هو الشرط التاني .
- الشرط التاني إن مفيش سحب من الفلوس نهائي إلا بعد سنة ، يعني هتحط فلوسك عندي و متسألنيش على الفلوس إلا بعد سنة .
- إفرض يعني مثلا…. مثلا يعني … فيه واحد حصلت له مصيبة و حب يسحب فلوسه يعمل إيه ؟
- يبلغني قبلها بإسبوعين و ياخد فلوسه على ٣ مرات ما بين المرة و التانية شهرين و أرباحه أنا إللي هحددها براحتي علي حسب السوق .
- كلام حلو الله ينور هو ده الاتفاق ، موافقين يا رجالة .
-الأهالي : موافقين موافقين بس هنكتبوا عقد بالكلام ده .
- ممدوح باشا : مفيش عقود هتتكب ، هو وصل الأمانة و كدة إنت ضامن حقك ، و بعدين أنا كبير العزبة و كلمتي لوحدها أحسن من ١٠٠ عقد و إللي عاجبه عاجبه و إللي مش عاجبه مع السلامة .
بعد إذنكو عشان أروح أشوف شغلي .
- طاب يا باشا نجيب الفلوس إمتي ؟
- إللي عايز يجيب فلوس يجيبهالي بالليل في الفيلا .
ممدوح باشا يركب السيارة و ينصرف الأهالي من أمام الفيلا .
في الفيلا بعد العشاء
ثريا هانم : إيه إللي بيحصل ده يا اسمعين و الناس دي ملمومه عندنا ليه ؟ - ميان : تبكي خديني في حضنك يا ماما أنا خايفة ؟
- يا ست هانم دول أهل البلد ، و عندهم مشكلة و ممدوح باشا أخوكي كبير البلد بيحلها ، حضرتك خوشي الأوضة و اقفلي الباب عليكي ربع ساعة و كل ده هيخلص بأمر الله .
- كويس و الله ممدوح أخويا بقى راجل مهم !!!!! الله يعزك يا دوحة ، تعالي يا ميان هندخل الأوضة و نلعب مع بعض يلا بينا .
- يلا بينا يا ماما .
- اسمعين : كل واحد يحاذي علي زميله يا بهايم و إللي هينطق بحرف هشحته فاهمين ولا لا.
- فاهمين بس متشخطش كده ياد يا اسمعين .
- انكتم منك له له له لها لها .
إسمعين يدخل على ممدوح باشا المكتب . - خد يا باشه ده دفتر وصولات أمانة ، و لو خلص أجيب لك واحد تاني ، امضي يا دوحه امضي يا كبير .
ولا يا علي ، إنت يا وله . - إيوه يا اسمعين عايز إيه .
- اسمي اسمعين باشا يا حمار فاهم يا علي .
- أيو يا اسمعين باشا عايز إيه ؟
- خلي بالك من الناس دي و خلي بالك لحد يقلب الفيلا و دخلهم لي واحد واحد .
- حاضر يا اسمعين .
- اسماعين باشه يا غبي .
بعد ساعة ممدوح باشا استلم الفلوس من الأهالي و حطهم في الشنطة و كتب وصولات أمانة للأهالي . - ممدوح باشا : إحنا جمعنا مبلغ كام يا اسمعين ؟
أنا شايفك بتكتب الاسم و المبلغ في النوتة إللي معاك .
أومال إيه يا ابن عمي !!!! ده حق و كل واحد أولى بحقه ، أومال أنا زيك عمال تمضي وخلاص و لا إنت عارف إنت بتمضي على إيه ؟ - لأ … أنا عارف أنا بمضي على إيه ، كل واحد بكتب له المبلغ بتاعه بس بدون الأرباح زي ما اتفقت معاهم .
- طاب و الأرباح مش هتديهالهم ولا إيه ؟ إنت هتاكل حقوق الناس يعني .
- لا يا سيدي الأرباح مع المبلغ هيستلموهم بعد سنة و عليهم بوسة .
- يعني إنت هتقعد تبوس الناس المعفنين دي الأول و بعدين تديهم الأرباح ولا هتديهم الأرباح و بعدين تبوس ؟
- ظريف ياله ظريف أوي يا اسمعين ،
علي : يا اسمعين باشا .
ممدوح باشا : كلم يا اسمعين باشه !!! - فيه إيه ياد يا علي ؟
فيه ست كبيرة عايزة تقابل الباشا . - دخلها يا وله .
- أهلا يا ست الكل ، إتفضلي يا أم رجب .
بهمس اسمعين في أذن ممدوح باشا
اتفضل يا باشا أدي واحدة ملهاش علاقة بالأرباح دي بقي عايزة البوسة إللي فوق الأرباح ، إتفضل بوس .
-يا ممدوح باشه ، يا ممدوح باشه . - أيوة يا أمي ، اتفضلي يا ست الكل طلباتك .
- اسمعين بهمس في اذنه : بوس على طول يا حنين .
- بص يا بني أنا سمعت عنك و عن مشاريعك كلها
- مشاريعي كلها !!!!! طاب سمعتي إيه ؟
- سمعت إنك بتاجر في الأراضي و البيوت و بتاجر في المواشي و عندك مزارع سمك و مزارع فراخ .
- و إيه تاني يا حاجة ، بقى إنتي سمعتي كل ده ، دنا ذات نفسي مسمعتش حاجة ، ده كويس و الله .
- انت يتنكر لية يا بني؟ إنت خايف لحسدك ، لا يا ابني ده أنا بدعي لك .
- بتدعي لي !!!! ما علينا طلباتك يا حاجة .
- أنا عارف إنك مش فاضي للي زي ، عشان كده أنا مش هطول عليكي .
- اتفصلي تحت أمرك .
- تسلم يا ابن الأصول ، أنا عايزة أشترك معاك بس ممعيش فلوس .
- اومال هتشتركي بإية يا حجة .
- أنا هديلك الحلق الدهب ده و الغويشة .
- بس أنا ما بخدش دهب .
- اسمعين : لا يا ممدوح باشا خد منها الدهب متكسفهاش؟ دنا هلم لك دهب البلد كله .
ممدوح باشا في سره ، الله يخرب بيتك يا اسمعين أنا خدت فلوس الناس و مش عارف هعمل بيهم إيه عايزني أفتح في دهب النسوان كمان . - ماشي يا ست هاتي ، طاب و أرباحك هتخديهم إزاي ، بص يا ابني محدش ضامن عمره .
- تمام عارف يا حاجة أدي وصل أمانة أكتب فيه كام
- هما مفصولين ب ٢٢ الف جنية .
- تمام أدي وصل أمانة ب ٢٣ ألف .
- طاب و الأرباح يا حجة .
- لما أموت ابقي إدي الفلوس لعيالي و اعملي الخارجة بتاعتي و اعملي صوان العزا قدام البيت .
- تمام تحت أمرك يا أم رجب ، ربنا يديكي طولت العمر .
- اسمعين دي كده هتاخد الأرباح و مش هتلحق تاخد البوسة ، إديها البوسة يا دوحة .
- بوسة إيه يا بني .
- أصله قال إنه هيدي للناس الأرباح و عليها بوسة .
- بجد و الله .
- أيوة بجد يا حجة متسبيش حقك .
- تعالى أما أبوسك يا ابني ،
الحجة تبوس ممدوح باشا . - اسمعين يضحك و يخرج من الباب ، أنا هقفل عليكم و أسيبكم تبوسوا بعض .
- مع السلامة يا حجة ، خد يا ممدوح يخرب بيتك عايزك ؟
- عايز إيه يا دوحة ؟
- اتكلم عدل ياله إحنا معانه كام لحد دلوقتي ؟
- إحنا جمعنا ٦٧٣ ألف جنية .
- الله يخرب بيتك و دول هعمل بيهم إيه ؟
- يا نهار إسود يا ممدوح إنت هتنصب ع العالم ؟
- لأ مش قصدي ، أنا قصدي هدخلهم في أني مشروع ؟
التعليقات مغلقة.