قصاصات ورق
بقلم عبد السلام عبد النبي
١
اكتبي بريش النعام
انحتي في قلبي الحروف
افهمي معني الكلام
زيحي من قلبي الكسوف
الهوي مكتوب علينا
ندور في محرابه نطوف
٢
صباح الخير علي قلبك الطيب
اللي مليان امل ونور وحياه
صباح نادي لكل بعيد وقريب
الكل بيسبح الخالق بحمد وجاه
اطلب وربك كريم يا عبد يا طيب
تتحقق الاحلام وتسعد تقول الله
٣
قول وحاوبني كمان من فضلك
ازاي امنع شوقي اليك
طير في مداك واقتل صمتك
قلبي يرفرف من حواليك
انا باعشق طيفك ووجودك
سحر البحر بسحر عنيك
٤
ابتدي يومك صلاه
احلم ان الكون جميل
ابتسم واشكر الاه
خالق الاكوان بليل
عيش في حلمك منتهاه
الامل يبقي الدليل
٥
ازرع الكلمه بايديك
تطرح الكلمه ابتسامه
اروي للبسمه بعنيك
تلقي نورها ليه علامه
خلي احلامك في قلبك
انسانيه وبالكرامه
التعليقات مغلقة.