قصيدةكلمني عن احساسك “بعض من كلمات ديوان عامية “الشاعرة مروه محمد عبداللطيف
انا عايزة اسمع نبض قلبك
وانت بتتنهد وعيون بتتكلم
وانا قلبي بيسلم الباقي جاي يشهد
وانت بتحضني القصد متعمد
بتهز من جوا واشعر دفا حضنك
كلمني عن احساسك ازاي بكون جواك
واما تشوفني معاك تعملي متردد
ساكت وفي حضوريّ تعلن حداد حصنك
واما اغيب عنك في غرامي بتهدد
ازاي تغيبي بعيد وتسيبي قلبي شريد
يحسبلي في المواعيد والفكر بالتحديد
سافر لدنياكي وقالولي انت خلاص
عقلك مهوش اتي فابلاش بقا تهاتي
والطب شاف حالتي مع كل يوم بتزيد
عجز الاطبا كمان عن وصف اوجاعي
والكل كان شاهد عايش بدون داعي
الجرح جوا الروح والامر مع معاليك
دانا كلي ملك ايديك دايب ومستنيك
طلي عليا ياروح لو حتي م الشباك
هتلاقي قلبي هناك صابر علي رؤياك
وشبعت انادي عليك محتار ومتغرب
وانا جوا حضن عينيك حاوطيني انا بهرب
ومن اين اجيب جرأه انا نفسي مستغرب
لما تكوني قريبه بلقاني متلخبط
ودا حالي وانتي بعيد عطشان ونفسي اشرب
دوقت الهنا وياك احساسي يترجاك
حسيت حياتي معاك منك بكون اقرب
ازاي دا كله يكون جواك وبتخبيه
انا حاسه من بدري بس انت مش داري
الحب زي الهوا نفسك يمر عليه
وانا كنت محتاجه اسمع كمان وكمان
اللي انت بتحسه جواك ملهش مكان
الا هنا في قلبي يلا تعالي قوام
اوصفلي في الاحلام عبر وقول انغام
انا جايه دلوقتي اسمع في احساسك
اللي انت حوشته جواك بقاله زمان
كلمني عن احساسك خليني بين كلماتك
وارسمني بالالوان.
التعليقات مغلقة.