قصيدة انا الصايم على بابك بقلم الشاعر المصري احمد ابراهيم النجار
بتاريخ 5/5/2021
على بابك شنقتِ الحلم
ف عيوني وبتعاند لياليكي
لا انا بيكي ولا فيكِي
هكون هايم ولا دايم
على بابك
كرهت البسمة ف عيونك
ولا مشتاق اعيش يومك
لا انا لايم ولا لومك
ده انا الصايم على صومك
على بابك
تعبت كتير وبتألم وانا الصارخ
فى صمت طويل وحامل
م التعب نايّ
ويصرخ فيا موالي
وعلى بالي ادوّن
كل أوقاتك واوقاتي
على بابك
في ألف ديوان فى اوراقي
جرحتيني
تعبتيني
ورجعالى بتوب تاني
ولحن غريب بصوت مالي
فضا كونك
على بابك
الآلاف سنوات على توبك
نفاق ساكن كهنّ وطقوس
وكدبة فيها أصحابك
وبتغني فى حاناتك
وبتشرب عسل صافي
فى كاساتك
وبتعيش الحياة جنة
على بابك
وانا المنبوذ في اوراقك
في اوقاتك ومكوي
جسدي ده بنارك
على بابك
بيعلى كل يوم سورك
على حدودك
حواجز صعبة اسوارك
واعيش أنا جوة بركانك
على بابك
ومابيديش بعيش درويش
والبس خيش واتمايل
جسد مايل وسكنه الداء
واعيش مشتاق
على بابك
انول من عسلك الصافي
لكن مافي
ولا حضنك فى يوم كافي
ده أنا الضايع على بابك
بقلم الشاعر المصري
احمد ابراهيم النجار
التعليقات مغلقة.