قصيدة سوق الكلاب بقلم الشاعر رضا ابو شنب
2022/06/05
نزلت سوق الكلاب
في السيدة عيشة
لاقيت بتوع الكلاب
ماسكنلي في الشيشة
ومربطينها بجراب
مانعينها من الهيصه
وشوفت حبة شباب
جايين بتقفيصه
ومحمين الكلاب
بالشامبو والليفة
والكلب زي الاسد
بيحب في حبيشه
وصاحبنا جاي من البلد
شكله يقول خيشة
طويل وزي الوتد
والوزن كان ريشه
رابط ايديه من الحسد
وبيلعن العيشه
سايب وراه الولد
وجايبله تحويشة
بايع بقيت الهدد
وهدومه وغويشه
طلعت عنيه والغدد
محتاجه لتحبيشة
شاف الكلاب و العدد
قاعدين في تعريشه
من كتر خوفه اتهبد
صبح الغريب عيشه
طلب الغريب المدد
حطوا في ايديه فيشه
من الخضة قام واتقلب
من نيته الصافيه
وقال كلامه العجب
بالوزن والقافية
بياكلوها بادب
واحنا اللي بالعافيه
ويغطوا ليها الركب
علشان تبات دافيه
مش كل شيء ينكتب
تلقي الحروف كافيه
مش كل شيء ينكتب
تلقي الحروف كافيه
التعليقات مغلقة.