قصيدتي …
بقلم فتحى نجم المنصورة…شتاء فبراير 2020
نفض تراب الزمن
من ع الدفاتر والورق
وافتح دوايا المحبرة
وارسم بنبضك
كام قصيدة وكام ديوان
ولا تهاب الغرق
أو حتي جوف المقبرة
لساكي بتستحي مِنى
وغُطفتك فوق السطور
لساكي شمس مضلمه
محتاجه تطلع للظهور
لساكي لؤلؤ في المحار
ساكن أعماق البحور
هي حبات الندي
تقدر في يوم تفارق
أوراق الزهور
محبرتي أهي
فردا دراعتها بالسلام
عايزا تشوف النور
القلم عطشان كتابه
جواه كتير م الطيابه
شوقه يكتب للغلابه
اللي واقفين ع السلالم
اللي لا طايلين سما
ولا قادرين يسايروا الديابه
عندى كتير في المحبره
ف دموعي رسمت مسطره
قلت أحازي ع اليمين
قال الشمال
هاتروح فين يامسكين
والجو آخر مسخره
خلي اللي عندك في الجراب
ويمكن آخر الخط
تِرقي الورق بالمبخره
يالوعتي من العذاب
محتاج دموعي تفارق عيني
عشان أقدر أشوف
محتاج حروفي تآنس الورق
ولا مكتوب ع الحبر يفضل يعاني
ويعيش مكتوف
امتي الحروف
تفرد دموعها ع الورق
بدون خجل أو كسوف
امتي السلاسل تتمرق
والجني بآية الكرسي يتحرق
امتي الحيطان السد تتفلق
امتي الحصار يتفك
والكلمة تطلع للملأ
امتي أسوار الزنازن تتغلق
امتي القصيدة تكمل
وتحلق زي النسور
حروفها تعانق الورد
وتخطي أي سُوَر
وعبيرها يجانس تعبيرها
إحساس وشعور
شذاها يملي الكون نسايم
حروفها للعشاق غنايم
ياقصيدتى
كاملي المشوار معايا
وافردي حروفك جناين
وارسي بالعشاق في مينا
وارفعي شراع السفينة
وسمعيني ضحكتك
وَيَا خلخال الصبايا
ترن في عروق الورق
التعليقات مغلقة.