قصيده بعنوان (بعيش خوفي)
الشاعر/ أحمد محمد شعبان
من/ مصر
نمله بتهز جيش
وجيش من كتره نمِّل
وعيون من خوفها ضاعت
وضياعي فيكي كمِّل
يا حتة لعبه تايهه
والخوف بطبعه عيِّل
يمشي في عنيا نورها
والليل على حلمي ميِّل
عالي والصخر جسمك
والريح حواليك تهلِّل
واقف والرجل غارزه
إجباري عليك تكمِّل
بيتك شباكه ضلمه
أبوابه مفتوحين
والأرض الخصبه حضنت
بترابها كتير سنين
والورد إيديه بتنزف
والشوك قال إيه حزين
الصحرا الست كبرت
وأبوها بزمتين
والخلفه تملِّي ليهم
سايبينلي الميتين
أزرع في هواكي عيني
أحصدها في عتمتين
التعليقات مغلقة.