قصيده «مين اللي قال» من ديوان «احتواء» الشاعره مروه محمد عبداللطيف
مين اللي قال……
مين اللي قال ان انت مش روحي
او حتي قال ان انت مش ليا
اصل الكلام ميكونش معني وبس
ولا كان سطور علي الورق تترص
هو الغرام مشكلته في المختص
ياحبيبي خد بالك الرك ع النيه
الحب مش رسمه على صوره متلونه
وقت اما ييجي المطر تلقيها مرميه
العشق كان غاره والقلب مستعمره
يطلق سهام بالنص تلاقيني متعوره
واجري عليك طالبه تحرير قيود كانت
في الاصل مستأجره
مين اللي قال ان الحنين غايب
ومسيره يوم هايعود
هو السؤال اصبح القلب فين موجود
اصل السلام كان لقا معرفش مره حدود
وطي في صوت ضحكتك في رنينها اغنيه
انا وحدي هسمعها مش طالبه توصيه
خليك مخبي كتير اللي انت بتحسه
وانا جايه في ميعادي اديك دروس تقويه
صدق شعور جالك من غير سابق انزار
هو اللي متحدد في الاصل كان اعصار
دون دوافع صادفتك بيا وارفع لقلبي شعار
واكتب بلون حبك انا كنت من الثوار
طولت حبه عليا وانا خدت ع المداديه
بفرش رموشي ليلاتي واكتب في انك اتي
وانا لسه مستنيه
متقولي ليه بتغيب دي الساعه جنبك عيب
والحب مش ترتيب او سبحه جوا الجيب
لما تحط ايديك تلمسها براحه فا تحس حنيه
ازاي تكون مني وتسبني وحديا
حبك في علم الغيب وانا روحي منسيه
مين اللي قال ان انت مش ليا.
التعليقات مغلقة.