قطر الحياة بقلم.اسماء محمد
قطر وراكبينه وماشي بينا
وملوش ولا مرسى ولا مينا
وأدينا قعدين على كراسينا
وكل واحد له محطة
ينزل ويسيبنا لوحدبنا
بتاع كوكا كولا بينادي
هات لنا هنا واحدة يا أخينا
حسابك كام ؟
خلي علينا..
الله يخليك هات هنا لينا
قوم يا ابني وسع للحاجة
خليها تقعد وسطينا
افتح لها يا ابني كمان واحدة
دي الحاجة أفضالها علينا
تشكر يا كريم ..
طول عمرك أفضل جار لينا
استني يا أسطي عشان نازل
وأمانة ي حاجة افتكرينا
وتيجي محطة ورا محطة وسلام ونودع بعضينا
قطر وماشي بينا على فين هيرسي؟ وإمتى يقف بينا
فينا الشقيان وفينا الغلبان ماشيين وسايبين أهالينا
الشاطر فينا اللي يكافح نبني ونعمر أراضينا
ونشوف أحلامنا بتتحقق والفرحة كمان تملي عنينا
التعليقات مغلقة.