قلبك بيرسم خط مش سالك بقلم شيماء عادل
قلبك بيرسم خط مش سالك
لخص جوابك للي زاد ف الحكي
القصه عيبها لو تطول منك
يصبح رصيدها ملل
عشق الجواب كان زيف
ينزف صداع قلبك
القلب مات
والكيف
حصد سنين عمرك
معووج يا فكر القصايد
والرهن فيك خسران
بياع وقلبك شايط
زارع لفكر شيطان
بيصدقوا الكداب
وبينشروا زيفهم
وبيلعنوه ف كتاب
وبرضه على كيفهم
شامم ف ضيك
ريحة العشاق
جاذب ف طيفك
قلب له بشتاق
الحر حر الفكر
لو قلبه كان مسجون
ما تلومش على غيرك
لو فكره كان مجنون
وجعك خيوط ساقطه
قلبك ما زال مدفون
لو حافظ الفاتحه
اقرأها ع المرحوم
السكه مقفوله
يا شمس بهتانه
رصيد حمولك زاد
والزاد ماهوش فيكي
لو ١٠٠٠ حواليكي
بتوهي م الوحده
طيفك غشيم
بيصاحب العوجيز
شايف رصيدهم من الونس كسبان
رغم انه ضل الصحبه ف وجودهم
ورقك بينظر للكلام بذهول
القلب متغمي
عقلك تايه مسطول
ما تلومش نبض الورق
العمر بكره يزول
التعليقات مغلقة.