قلبى الوطن…
بقلم أشرف الشناوي
………..قلبى الوطن…….
قلبى
اللى حبك
هان عليك
ونسيت اوام
كل الوعود
ونسيت هوى
من غير
حدود
اسأل عينيك
واسأل ايديك
والا الخدود
مش هما دول
كانوا الشهود
ايه غيرك
خلاك تبيعنى
وتشترى ليل
الخصام
مش كنت
جوا دنيتى
زى الحمام
مش كنت تفرد
كف ايدك
ليا انام
مش كنا بنغنى
سوا
لحن الغرام
مش كنا نضحك
لما نهبط
م الكلام
ايه غيرك ولا حتى
بترد السلام
قلبى اللى حبك
لسه مستنيك
اوام
فبلاش عناد
وانسى اللى فات
وتعالى نرجع
عشنا
ونعيش حياتنا
ونبتدى
تانى من جديد
نزرع أمل
نملا البراح
ننسى الجراح
ننسى اللى راح
نضحك ونفرح
بالحياه
طول مالامانى
فى القلوب
فمفيش هروب
قلبى اللى حبك
كان وطن
ارض وسكن
مش بس طوب
لو حتى منعانا
الذنوب
لازم نتوب
العشق مش بس
اللقا
دا العشق ستر
من العيوب
قلبى اللى حبك
لسه فيه
لحظة حياه
قبل الغروب ………………
اشرف الشناوى
شاعر عاميه
المنصوره
البرامون
التعليقات مغلقة.