قلبي الغريب بقلم شيماء عادل
قلبي الغريب عن ضل احبابه
طيف الهوا سابه
من غير سلام
زي الحمام
سايب جروح روحه
مطرح ما ترسي تنام
سابح على غصن الوجع
مطرت رياح غربت عمري
صوت الحنين بيشد فيا غربتي
يااا دمعتي
سلمتلك امري
شدي الحنان من صرختي
عيدي سنين عمري
للضحكه وقت الرضا
للضمه من اهلي
للطفل وقت الصبا
لحبيب بينده لي
عيدي زمان فرحتي
للجنه من تاني
يا غربة وخداني
من كل خلاني
امتى يدوب الوجع؟
ونعود لاحبابنا
التعليقات مغلقة.