قلبي المتغرب.بقلم اشرف يوسف على
قلبي المتغرب مهما يقرب
منكوا غريب
ياللي جرحتونا وجرحكوا
صعب مالوهش طبيب
بقي دا اسمو كلام؟
تهجروا وتخونوا وتنسوا أوام
أحلي ليالي؟!!!
وانا قلبي بريئ
تخونوه ازاي؟ وازاي يتحمل
ما جرالي؟!!!
كان كل كلامكم لينا زمان
في الحب بلهفه وشوق وحنين
كان قلبنا واحد من غير شك
ولا يوم حسينا ان احنا اتنين
دالوقتي خلاص بعتوا هوانا
وفرشتوا الدمعه ف كل طريق؟!!!
وبقيتوا تقولوا علينا خاينين
وبتظلموا قلبي و هو بريئ؟!!!
لو كنتوا نسيتوا اللي احنا ف يوم
قولناه لأ دا احنا مش ناسين
حرمتوا الحب علينا و ليه
بتشمتوا في هوانا اللايمين؟!!!
لا عملتوا حساب للعشره زمان
ولا قولتوا ف يوم كنا حبايب
طب نعمل إيه والشوق سهران
في هواكوا وليلنا معاه دايب؟
ياتجونا يا تنسوا اللي ما بينا
بكفايه فراق وللا تعبنا
أكتر من كدا لأ مش قادرين
نتحمل بعد يا حبايبنا
أكتر من كدا لأ مش قادرين
نتحمل بعد
يا حبايبنا
التعليقات مغلقة.