قلب مفتوح
بقلم نوال أحمد رمضان
قلب مفتوح
حسيت انى محتاجة اتكلم مع نفسى بصوت عالى وبدون تكليف ولا لغويات … وحسيت ان الكلام اللى حابة نفسى تسمعه وتفهمه. .. كتير غيرى نفسهم يكلموا نفسهم بيه فقلت تمام اجى هنا اتكلم معاكوا بصوت عالى ونتناقش وناخد وندى مع بعض ..تعاالوا نواجه نفسنا بنقط ضعفنا
انت بتحب المريسة وانتِ بتحبى المظاهر
انت بتحب التحكم وانتى بتحبى الاستغلال
انت بتحب التعالى .. وانتي بتعشقى الغطرسة
صفات كتير وحشة بتتحكم فينا وبتضايق اللى حوالينا ولو حد حب يفهمنا .. نرفض ونصمم اننا زى الفل ومفيش فى الدنيا أعدل ولا أطيب ولا متواضع زينا …
طيب ممكن نقعد مع نفسنا قعدة صراحة ونشوف كام مرة حد زعل مننا او رفع ايده لربنا وطلب منه يجيب له حقه مننا … كام واحد بكى بعد ما كسرنا خاطره … كام واحد قللنا من شأنه … كام واحد قصرنا فى حقه
تعالوا نعمل قعدة صلح مع نفسنا ونفهمها غلطها ونشتغل على عيوبنا ومشاكلنا النفسية …
عشانا وعشان الناس اللى حوالينا …
سلامًا على من مر على مُرنا فحلاه …
التعليقات مغلقة.