قليل الادب بقلم منصور عبد المقصود
برغم انى فاشل فى حب البنات
ولو كلمونى برد بسكات
برغم انى بعشق
وعشقى بأدب
دخلت ف بيوتهم
مهنتش عتب
لكنى فى حبك
قليل الادب
يا مالكة العيون اللى مش مكسورين
يا سمرا
وبيضا
وقمحى
يا طين
معطر قلوب البكارة بعنبر
يا خافضة جناحك لناعسة وياسين
يا بنت… الكلاب
اللى عايشين فى خيرك
وناهشين فى لحمك
وسارقين حريرك
مينفع معاهم تراعى ضميرك
يا ساحلة العزارى
فى كل الشوارع
يا عايشة ماضيكى
بحس المضارع
يا رافعة المغني
وحابسة المصارع
تقيمى حدادك
على كل مايع
ونازلة بسوطك
على كل بارع
شوارعك حزينة
بتبكى بدموع
دعيلك محمد
دعيلك اليسوع
دعاهم بيشغى
فى كل الربوع
بيشكوا الكرامة
ولا بيشكوا جوع
التعليقات مغلقة.