قنديل…تعالي وهات معاك الشمس شعر / جيهان النجار
عن التنوير
يقول الراوي
ياسادة تعبنا كتير
وولعنا شموع العمر للتفكير
وجيبنا كلام مالوش لزمة
وجيبنا كلام مالوش تفسير
وقلنا نوضح الحالة
وبالتالي :
تعالي ياعم. هات الشعر
وتعالي .
بعت رسالة لجنانك
تعالي
وعض باسنانك
علي الفكرة
علي التغيير
عن التنوير…
احب الشعر من توبنا.
اذا سلطت روحنا عليه تشوف عيبنا
مفيش تنوير هيتعبنا
اذا كان الأمل قنديل
وبالتنوير…
ضروري المعني
يطرح ورد
والحكمة تكون عصافير
عاوز تنوير؟
تعالي وهات معاك الشمس
هات يابني الفروض الخمس
هات يابني الحواس
الخمس
واتكي قوي ع اللمس
علشان فيه حاجات بتغير
عن التنوير
عاشرنا حمير.
و بالتالي مشوفناش
نور
عشان نحكي
ياناس عن حور.. ضروري نكون
من الجنة
مفيش شياطين بتدي للقلوب منة
وبالتالي تخاف الحنة
لو ملقيتش معنى حرير
عن التنوير
اقولك ايه واعيد
لك ايه
… مفيش تنوير في ظل الخوف واتباعه
في ظل الفن وخداعه
مفيش علما
بيتباعوا
مابين الكدب والتزوير
٠٠٠٠عن التنوير.
التعليقات مغلقة.