قوليلي ليه مخاصماني…بقلم محمود فهمي
لو حضنك ما بيسعنيش
اغزلك حضن من تاني
يزين حروف شعري
دا انا اخترت اكون
جنبك
و انا الخير ال مبدور
في غيطانك
و طاقة نور وقت
لما فجرك يكون هارب
انا الحب الل عشش
جوه حكاياتك
…….
وانا الضل البراح
ال اتغزل
ب نور شمسك
وازي اكون غروب اترسم
رواية حب في ٱرضك
ٱنا كل حاجه فيكي
وعكسها
لكن يوم ما ٱكون
ضدك
طيب قوليلي ليه مخاصمني
………
ومهما تحاولي تبعديني
ٱطلع من تاني
أصبح ع وشك
وابوس جبين ضيك
واروح ازرع مواويلي
في ارضك
تطرح فيكي رغيف عيش
واعيش معجون ب سنابل
عمرك
ترجعلي روحي ال مفرقاني
وتغزليلي توبي من شوقي
ويرميني الحنين ع شطك
حكاية حب تفوق حبك
……
وعمري ما أتوه عن قلبك
يا دفا البرد يا جيراني
يا كل اهلي وخلاني
بجدد فيكي الوعد من تاني
تيجي تمسحي ع راسي
يروح ٱلمي في ايدك
وتطبطبي على روحي
تروح روحي مصلحاني
محمود فهمي
التعليقات مغلقة.